Kachin amyusha ni gaw, chyāloi nhkoi prat kaw nna, shanhpyi laika lu ai amyu ni re ai hte, dai laika hpe n-gup aga hte tsun ginlen hkrat wa ai. Dai hpang kumhpa laika bai jai lang asung jāshawn nga a yang, sasana sāra Ola Hanson e, maisau laika/asak laika hpe gālaw da ya ai gaw 2020 Ning Mē 5 ya hta gaw 125 ning hpring sai rai. Ndai Jinghpaw laika lu ai Jaw Gumhpraw Jubili aten hta, Jinghpaw laili laika hte seng ai gāmung dup sumrat ai lam hte laili laika rawtjat wa na mātu bawngban ai lam ni gālaw sa wa na ga ai. Laili laika rawtjat lam hta shākut shāja wa ai myitsu nkau hpe mung shāgrau shāa ai lam ni mung gālaw sa wa na ga ai.